Við liggjum mikið yfir netinu þessa dagana og skoðum húsnæði, vinnur og pælum fram og til baka.
Sú hugsun hefur meira að segja hvarflað að okkur að flytja ekki á svæðið í kringum Osló heldur flytja til suður Noregs, á gamlar slóðir, eða svona næstum því.

Nina vinkona mín og Jann maðurinn hennar eru tilbúin að leyfa okkur að vera hjá sér ef á þarf að halda en við vonum nú að ekki komi til þess. Annars eru þau líka tilbúin til að hjálpa okkur að finna húsnæði og fara jafnvel og skoða fyrir okkur. Það er mjög gott að hafa einhvern sem getur hjálpað manni svona svo við erum mjög heppin.

Annars er mamma að fara til Noregs í dag. Hún ætlar að heimsækja vinkonu sína í suður Noregi. Í leiðinni ætlar hún að koma við hjá NAV, sem er norska vinnumálastofnunin. Þar ætlar hún að tala við fólk og skilja eftir starfsferilsskrárnar okkar Viðars. Verður spennandi að sjá hvað kemur út úr því. Ég sendi hana líka með slatta af kortum sem ég hef verið að gera og hún ætlar að sýna þau í verslunum og athuga hvort hún fái einhver viðbrögð. Spurning hvort maður geti skapað sér aukatekjur þannig???

Annars ganga dagarnir sinn vanagang.
Við fórum í foreldraviðtal á leikskólanum síðastliðinn fimmtudag og þar voru flutningarnir ræddir meira heldur en rætt var um Ástrós Erlu. Hún stendur sig svo vel í leikskólanum og er svo flott stelpa að þær vilja helst ekki missa hana. Ég lofaði því nú að við myndum reyna að senda þeim tölvupósta og leyfa þeim að fylgjast með okkur.

Vinnufélagar mínir segja það ekki beint en ég les á milli línanna að þeim finnst við vera þvílíkt biluð að vera að flytja án þess að vera búin að fá húsnæði og vinnu. Og ég er spurð að því nánast á hverjum degi, af sama fólkinu, hvort ég sé búin að fá vinnu eða ekki. Verður stundum svolítið þreytandi, sérstaklega þegar maður er bara að bíða eftir svörum en það verður að hafa það.

Jæja, ég læt þetta duga að sinni.
Knús og kossar,
Hulda.

Ég held að Steingrímur blessaður hljóti bara að vera í einhverjum öðrum heimi...
Hver veit nema hann hafi komið höndum yfir eitthvað af þessum kannabisplöntum sem löggan hefur tekið undanfarna mánuði???
En án gríns, ég held að ráðamenn þjóðarinnar séu bara ekki í neinu sambandi við raunveruleikann...

http://visir.is/article/20090908/FRETTIR01/226509846

Jú, á heimilinu er allt komið á fulla ferð við að undirbúa jólin.
Búið er að kaupa nokkrar jólagjafir og pakka þeim inn, föndra milli 40 og 50 jólakort og annað eins af jólamerkimiðum.

Búið að kaupa jólamatinn og jólagosið og búin að búa til jólaísinn og baka 4 kökusortir...
Það er bara allt á fullu og allt í góðum gír hjá okkur. Erum meira að segja byrjuð að skreyta og nánast komnar jólaseríur í hverja einustu glugga.
Viðar er búinn að gefa það út að hann ætli að segja kreppunni stríð á hendur og skreyta extra mikið fyrir jólin og það er eins gott að hann standi við það!!!

Við ætlum svo að búa til aðventukransinn um helgina og svo fer ég í jólaföndur hjá SFR (Starfsmannafélagi Ríkisins) á þriðjudaginn. Þar ætla ég að föndra jólaskreytingu til að hafa á sófaborðinu. Við Erla Anna vinkona mín og samstarfskona ætlum að fara saman.

Næsta föstudag er svo Aðventukaffi hjá Kanínudeildinni á leikskólanum. Við Viðar erum bæði búin að fá okkur laus úr vinnu. Það verður víst mikið húllumhæ, börnin eru búin að baka smákökur og svo eru þau að æfa einhver skemmtiatriði... Þetta verður æðislegt.
Ég er svo búin að panta tíma fyrir okkur, alla famelíuna, í klippingu sama dag og verður það í fyrsta skipti sem að Ástrós Erla fer til hárgreiðslukonu í klippingu.

Á laugardaginn 6. desember er svo jólahlaðborð Tollstjóraembættisins á Broadway ásamt Madonnusýningu. Það verður spennandi að sjá hvernig barnastjarnan Jóhanna Guðrún stendur sig sem "sexýbeibið" Madonna.
Búið er að bjóða okkur í forpartý heima hjá henni Dóru samstarfskonu og ætlum við að ráða aðra samstarfskonu, Sigrúnu Hörpu, til að búa til Jarðarberjamoito ofan í mannskapinn.
Þetta verður bara æðislegt og við erum farin að hlakka mikið til...

Myndir frá jólaundirbúningnum:

Kökurnar sem ég var búin að baka þegar myndin var tekin:
Mömmukökur, Súkkulaðibitakökur og Sörur.

Súkkulaðibitakökurnar og Sörurnar

Mömmukökurnar

Georg Jensen óróarnir okkar, 7 talsins

Jólaskreytingin sem ég ætla að gera hjá SFR á þriðjudaginn

Jæja, kominn miðvikudagur og Obama orðinn forseti Bandaríkjanna.

Við höfum það fínt þrátt fyrir kreppuna.
Gústi og Elli eru fluttir út. Eru farnir að leigja með Halldóri og Ragnari og ég verð nú að segja það að þrátt fyrir að ég elski bræður mína út af lífinu, þá er ég óskaplega fegin að losna við þá...!!!
Þetta var bara orðinn of langur tími og ég tala nú ekki um þegar hvolpurinn Elvis var kominn líka...
Þá var þetta bara orðið "too much" í litlu 3ja herbergja íbúðina sem við búum í.

Við byrjuðum um helgina að kaupa jólagjafirnar og ég er búin að kaupa fyrir alla strákana pakka og svo ætla ég að föndra aðeins fyrir þá líka... Svo fer ég í það fljótlega að kaupa fleiri gjafir. Ég ætla nefnilega að vera búin að því snemma í ár svo stressið verði minna í desember.

Það styttist í stóra skrappdaginn sem verður haldinn þann 15. nóvember næstkomandi og helgina þar á eftir þá ætlum við vinkonurnar að hittast og baka Sörur fyrir jólin. Það verður æðislegt!!!

 -----------------------

Ja, vel nå er det onsdag og Obama er USA's nye president.

Vi har det fint, selv om Island er nesten konkurs og finanskrisen har rammet oss hardt.
Gústi og Elli har flyttet ifra oss, de har bodd hos oss siden i slutten af august. De leier nå et hus sammen med Halldór og Ragnar. Jeg må si at selv om jeg elsker mine brödre mer en alt så er jeg veldig glad for å bli kvitt dem. Dette ble langt nok og når hundvalpen Elvis kom også da ble det "too much" i vår lille 3 roms leilighet

Vi har kjöpt förste julegavene. Det gjorde vi siste helg. Jeg har kjöpt for alle brödrene mine og så har jeg tenkt å lage litt til de også... Jeg skal også kjöpe flere julegaver de neste dagene... Jeg har nemlig tenkt å være tidlig ute i år slik at det blir mindre stress i desember.

Den store Scrapbooking dagen nærmer seg, 15. november er store dagen og helgen etterpå skal jeg möte noen venninner og vi skal bake julekaker. Det skal bli herlig!!!